جنرل عاصم منیر کا بیان کشمیریوں کے لئے امید کی کرن ہے: حریت کانفرنس دوٹوک پیغام سے بھارتی ایوانوں میں لرزہ پیدا ہوا۔ مظلوم کشمیریوں کو حوصلہ ملا کشمیری عوام حق خودارادیت کے حصول کے لیے اپنی جدوجہد جاری رکھیں گے

سری نگر (پی پی آئی)مقبوضہ جموں و کشمیر کل جماعتی حریت کانفرنس نے بھارت اور کشمیر سے متعلق جنرل عاصم منیر کے بیان کا خیرمقدم کرتے ہوئے کہا ہے کہ یہ بیان کشمیریوں کے لئے امید کی ایک نئی کرن ہے اور اس سے کشمیر ی عوام کے حوصلے مزید بلند ہوئے ہیں۔پی پی آئی کے مطابق حریت کانفرنس کے ترجما ن نے سرینگر میں جاری بیان میں کہاکہ جنر ل عاصم منیر کے دوٹوک اور واضح پیغام سے بھارتی ایوانوں میں لرزہ پیدا ہوا ہے اور مظلوم کشمیریوں کو ایک نیا حوصلہ ملا ہے۔انہوں نے کہاکہ جموں وکشمیر ایک متنازعہ علاقہ ہے اور بھارت اپنی فوجی طاقت کے ذریعے اس پر قابض ہے۔ انہوں نے کہا کہ کشمیری عوام حق خودارادیت کے حصول کی جدوجہد جاری رکھیں گے۔