آرمی چیف عاصم منیر اور ساحر شمشاد مرز کو نشان امتیاز ملٹری سے نوازدیاگیا

اسلام آباد(پی پی آ ئی) صدر مملکت ڈاکٹر عارف علوی نے آرمی چیف جنرل سید عاصم منیراورچیئرمین جوائنٹ چیفس جنرل ساحر شمشاد مرزا کو نشان امتیاز ملٹری سے نوازدیا۔تفصیلات کے مطابق ایوان صدر میں اعزازات دینے کی تقریب منعقد کی گئی۔ جس میں صدر مملکت ڈاکٹر عارف علوی نے ایوان صدر میں چیئرمین جوائنٹ چیفس آف سٹاف کمیٹی جنرل ساحر شمشاد مرزا اور آرمی چیف سید عاصم منیر کو نشان امتیاز ملٹری سے نوازدیا۔تقریب میں وزیراعظم شہبازشریف، چیئرمین سینیٹ صادق سنجرانی، سپیکر قومی اسمبلی راجہ پرویز اشرف،وزیر اعظم آزاد کشمیر سمیت وفاقی وزرا خواجہ آصف، سردار ایاز صادق اور مریم اورنگزیب بھی تقریب میں شریک تھے۔