سری نگر(پی پی آ ئی)کل جماعتی حریت کانفرنس نے اسلامی تعاون تنظیم کے سکریٹری جنرل حسین براہیم طحہٰ پر زوردیا ہے کہ وہ تمام رکن ممالک کی مشاورت سے بھارت اور اسکے غیر قانونی طور پر زیرقبضہ جموں و کشمیر کے مسلمانوں کیلئے بھارت کے خطرناک منصوبے کے خلاف اسکے سیاسی اور معاشی بائیکاٹ کیلئے ایک مشترکہ پالیسی وضع کریں۔کشمیر میڈیا کے مطابق کل جماعتی حریت کانفرنس نے یہ اپیل او آئی سی کے سیکریٹری جنرل حسین براہیم طحہٰ کی قیادت میں تنظیم کے پانچ رکنی وفد کے پاکستان اور آزاد جموں و کشمیر کے تین روزہ دورے پر کی گئی ہے۔ وفد آج ہفتہ کے روز پاکستان پہنچ رہا ہے۔ کل جماعتی حریت کانفرنس کے ترجمان نے سرینگر میں جاری ایک بیان میں جینوسائیڈ واچ اور انسانی حقوق کی دیگر بین الاقوامی تنظیموں کی رپورٹوں کا حوالہ دیتے ہوئے کہا کہ مودی کی فسطائی بھارتی حکومت نے بھارت اور مقبوضہ کشمیرمیں مسلمانوں کوصفحہ ہستی سے مٹانے کی تمام تیاریاں مکمل کر لی ہیں۔
Next Post
کرپشن کو ذاتی انتقام کی بھینٹ چڑھانے کیلئے بطور آلہ استعمال کیا گیا:وزیراعظم
Fri Dec 9 , 2022
اسلام آ باد(پی پی آ ئی)وزیراعظم شہبازشریف نے کہا ہے کہ سیاست میں کرپشن کو انتقام کا ذریعہ بنانیکارواج ختم کرناہوگا۔انسداد کرپشن کے عالمی دن پر اپنے پیغام میں وزیراعظم شہبازشریف نے کہا ہے کہ آج پاکستان سے کرپشن کے ناسور کے خاتمے کے عزم کی تجدید کرتے ہیں، کسی […]