2023میں جے یو آئی بلوچستان اور خیبر پختونخوا میں تنہا حکومت بنائے گی جمعیت علما اسلام میں بلوچستان کی قدآور شخصیات شامل ہورہی ہیں، حاجی نواز کاکڑ سلیکٹڈ حکمرانوں نے عوام کو مہنگائی اور مایوسی کے سوا کچھ نہیں دیا،مولانا عبدالواسع

چمن(پی پی آئی) جمعیت علما اسلام بلوچستان کے صوبائی امیر مولانا عبدالواسع، ضلع قلعہ عبداللہ کے جنرل سیکرٹری و رکن صوبائی اسمبلی حاجی نواز کاکڑ نے کہا ہے کہ مدارس کے تحفظ کیلئے ہر قربانی دینے کیلئے تیار ہیں مدارس کو مٹانے والے خود مٹ گئے ہیں،موجودہ سلیکٹڈ حکمرانوں نے عوام کو مایوسی کے سوا کچھ نہیں دیا ہے، آئندہ انتخابات کے بعد بلوچستان میں جمعیت علما اسلام تنہا حکومت بنائے گی، شمولیتوں کا سلسلہ جاری ہے۔انہوں نے کہاکہ 2023میں جمعیت علما اسلام بلوچستان اور خیبر پختونخوا میں تنہا حکومت بنائے گی اور اس سلسلے میں ابھی سے شمولیتوں کا سلسلہ شروع ہوگیا ہے بلوچستان کے بڑے قدآور شخصیات جمعیت میں شامل ہورہی ہیں