ہماری سیاست کا محورعام آدمی کے حالات میں بہتری لانا ہے: پرویز الٰہی

لاہور(پی پی آ ئی) وزیراعلیٰ پنجاب چوہدری پرویز الٰہی نے کہا ہے کہ ہماری سیاست کا محور عام آدمی کے حالات میں بہتری لانا ہے۔ تفصیلات کے مطابق وزیراعلی پنجاب چوہدری پرویزالٰہی سے صوبائی وزیر محمد لطیف نذر کی ملاقات ہوئی، ملاقات میں باہمی دلچسپی کے امور،سیاسی صورتحال اور فیصل آباد میں ترقیاتی کاموں پرپیشرفت پر بات چیت کی گئی، صوبائی وزیر نے وزیراعلی کو محکمہ معدنیات کی کارکردگی سے آگاہ کیا۔دوران ملاقات وزیراعلی پنجاب نے کہا کہ ن لیگ کے طرح انتقامی سیاست کبھی نہیں کی، عمران خان پاکستان کے مقبول ترین لیڈر ہیں، عمران خان کا ساتھ دیا، دے رہے ہیں اور دیتے رہیں گے، ون مین شو کی بجائے پوری ٹیم کو ساتھ لے کر چلتا ہوں۔اس موقع پرصوبائی وزیر کا کہنا تھا کہ آپ کا سابقہ دور پنجاب کی تاریخ کا ریکارڈ ڈویلپمنٹ کا دور تھا۔