والد کے بغیر زندگی کا خیال ناقابل برداشت محسوس ہوتا ہے:ایمان مزاری

لاہور (پی پی آ ئی) پاکستان تحریک انصاف کی سینئر رہنما اور سابق وفاقی وزیر شیریں مزاری کے شوہر انتقال کر گئے ہیں، جس پران کی بیٹی کی جانب سے انتہائی جذباتی پیغام جاری کیا گیا ہے۔ سماجی رابطے کی ویب سائٹ ٹویٹر پر سابق وفاقی وزیر کی بیٹی ایمان مزاری نے کہا کہ میرے والد ڈاکٹر تابش حاضر کینسر کے مرض سے دلیرانہ جنگ کے بعد ہمیں اکیلا چھوڑ کر چلے گئے ہیں، والد کے بغیر زندگی کا خیال ناقابل برداشت محسوس ہوتا ہے لیکن انہوں نے مجھے مضبوط ہونا سکھایا ہے۔ایمان مزاری نے مزید کہا کہ والد بہت لوگوں کی زندگیوں میں خوشی اور محبت کا باعث بنے، ساتھ ہی کہا کہ آپ (والد)کا دل میرے دل میں دھڑکتا ہے۔