گورنر پنجاب غیر آئینی اقدام کی دو دن سے تیاری کر رہے تھے: سبطین خان

لاہور (پی پی آئی) سپیکر پنجاب اسمبلی سبطین خان نے کہا کہ گورنر پنجاب کا جلد بازی میں کیا گیا فیصلہ کالعدم ہو جائے گا۔سپیکر پنجاب اسمبلی سبطین خان نے گورنر پنجاب بلیغ الرحمان حکم پر ردعمل دیتے ہوئے کہا کہ گورنر پنجاب نے غیر آئینی اقدام کیا ہے اور وہ دن سے اس کام کی تیاری میں لگے ہوئے تھے۔سپیکر اسمبلی نے کہا کہ گورنر کے حالیہ اقدام کے خلاف چوہدری پرویز الٰہی عدالت گیا ہے، گورنر نے فیصلہ جلد بازی میں کیا ہے جو کہ کالعدم ہو جائے گا۔ان کا کہنا تھا کہ گورنر کے خلاف صدر پاکستان کو خط لکھنا ہمارا آئینی حق تھا جس میں ہم نے لکھا کہ گورنر پنجاب غیر قانونی اقدام کررہے ہیں، اب صدر مملکت کی صوابدید ہے کہ وہ کتنے روز میں کارروائی کرتے ہیں۔خیال رہے کہ وزیراعلیٰ پنجاب چوہدری پرویز الٰہی کو ڈی نوٹیفائی کرنے کا اقدام لاہور ہائی کورٹ میں چیلنج کر دیا گیا۔