قومی اسمبلی کی مدت 3 سال کرنا احمقانہ بات ہے، فواد چودھری صوبائی اسمبلیاں ختم کر کے ڈویژنل اسمبلیاں بنانی چاہئیں، تحریک انصاف

لاہور(پی پی آئی)پاکستان تحریک انصاف(پی ٹی آئی)رہنما فواد چودھری نے کہاہے کہ قومی اسمبلی کی مدت تین سال کرنا احمقانہ بات ہے،اس کی بجائے ہمیں صوبائی حکومتوں کو ری اسٹرکچر کرنا چاہئے۔پی پی آئی کے مطابق سماجی رابطے کی ویب سائٹ ٹوئٹر پر اپنے ٹوئٹ میں فوادچودھری نے کہاکہ صوبائی اسمبلیاں ختم کر کے ڈویژنز پر اسمبلیاں بنانی چاہئیں، ان اسمبلیوں کے انتخابات تین سال بعد ہوں،ان کاکہناتھا کہ ہائیکورٹ بھی ڈویژن لیول پر لے جائیں اور جوڈیشل سروس آف پاکستان بنائیں۔