ملک بھر میں شدید سردی، اسکردو میں پارہ منفی 12 تک گر گیا

اسکردو (پی پی آئی)ملک کے بالائی علاقوں میں شدید سردی کا راج ہے، اسکردو میں پارہ منفی بارہ، ہنزہ میں منفی سات تک گر گیا ہے جبکہ میدانی علاقوں میں دھند کی یلغار ہے، پی پی آئی کے مطابق محکمہ موسمیات کا کہنا ہے کہ اسلام آباد، کشمیر، گلگت بلتستان، مری اور گلیات میں مطلع جزوی طور پر ابرآلود رہے گا۔ نیز بلوچستان میں کوئٹہ، چمن، زیارت، ژوب، گوادر میں ہلکی بارش اور پہاڑوں پر ہلکی برفباری کا امکان ہے۔