جلد قوم کے ساتھ ملکر خوشی کے دن پھر سے منائیں گے،نوازشریف کا نئے سال کی آمد پر پیغام

لندن (پی پی آئی)مسلم لیگ ن کے قائد میاں نوازشریف نے نئے سال کی آمد پر کہاہے کہ جلد قوم کے ساتھ ملکر خوشی کے دن پھر سے منائیں گے۔پی پی آئی کے مطابق قائد ن لیگ نوازشریف نے کرسمس کے موقع پر کیک کاٹااورپوری قوم کو نئے سال کی مبارکباد دیتے ہوئے کہاکہ نیاسال نئی امید سحر لائے، پاکستان ترقی، امن و استحکام کی منازل طے کرے۔قائد ن لیگ نے کہاکہ میرا دل قوم کے ساتھ دھڑکتا ہے، کبھی کوئی دن فراموش نہیں کر سکتا،جلد قوم کے ساتھ ملکر خوشی کے دن پھر سے منائیں گے،نوازشریف نے کہاکہ ماضی کی حکومت نے احتساب کے نام پر ظلم و زیادتی کی،ظلم کی شام ڈھل چکی، جلد نیا سویرا ہوگا۔ان کاکہناتھا کہ مشکل وقت میں زیادتیاں سہنے والے جانثاروں کو فراموش نہیں کر سکتے۔