کالعدم القاعدہ کا اہم کمانڈر 5 دہشتگردوں سمیت گرفتار خود کش جیکٹ کا سامان، بارودی مواد، اسلحہ، ممنوعہ لٹریچربھی برآمد

لاہور(پی پی آئی) کاونٹر ٹیرراز م ڈیپارٹمنٹ (سی ٹی ڈی)نے تین شہریوں میں دہشت گرد نیٹ ورک کے خلاف کارروائی کرتے ہوئے 5دہشت گرد وں کو گرفتار کرلیا ہے۔پی پی آئی کے مطابق سی ٹی ڈی حکام نے بتایا کہ دہشتگردوں کیخلاف کارروائی کرتے ہوئے 3شہروں سے پانچ دہشتگردوں کو گرفتار کرلیا گیا ہے، گرفتار ملزمان میں کالعدم القاعدہ کا اہم کمانڈر بھی شامل ہے، سی ٹی ڈی حکام کے مطابق گرفتار دہشت گردوں کی شناخت فاروق شاہ، سیف اللہ، سید شاہ زیب، احمد خان، اسرار احمد کے نام سے ہوئی ہے۔پی پی آئی کے مطابق سی ٹی ڈی حکام کا کہنا ہے کہ دہشت گردوں کے قبضے سے خود کش جیکٹ بنانے کا سامان، بارودی مواد، اسلحہ، ممنوعہ لٹریچربھی برآمد کیا گیا ہے،حکام کے مطابق گرفتار دہشت گرد حساس اضلاع میں دہشت گردی کی منصوبہ بندی مکمل کرچکے تھے، سی ٹی ڈی حکام کا بتانا ہے کہ سی ٹی ڈی نے رواں ہفتے 504 کومبنگ آپریشنز میں 21 ہزار سے زائد افراد کو چیک کیا، 153 مشتبہ افراد کی گرفتاری عمل میں لائی گئی۔