آئندہ 15 روز کیلئے پٹرولیم مصنوعات کی موجودہ قیمتیں ہی برقرار

اسلام آباد (پی پی آئی)حکومت نے آئندہ 15 روز کے لئے پٹرولیم مصنوعات کی موجودہ قیمتیں ہی برقرار رکھنے کا اعلان کر دیا ہے۔ وزیر خزانہ اسحاق ڈار نے آئندہ 15 روز کیلئے پٹرولیم مصنوعات کی قیمتوں کا اعلان کرتے ہوئے کہا کہ آئندہ 15 روز کیلئے پٹرول اور ڈیزل کی موجودہ قیمتیں ہی برقرار رہیں گی۔ پی پی آئی کے مطابق وزیر خزانہ کا کہنا تھا کہ عالمی مارکیٹ میں پٹرولیم مصنوعات کی قیمتوں میں اضافہ ہوا ہے مگر اس کے باوجود ہم نے پٹرول اور ڈیزل کی قیمتیں برقرار رکھنے کا فیصلہ کیا ہے، 15 جنوری تک پٹرول اور ڈیزل کی موجودہ قیمتیں ہی بر قرار رہیں گی۔