مظفرآ باد(پی پی آ ئی)وزیراعظم آزاد کشمیر تنویرالیاس اپنے ایک انوکھے سوال کے باعث سوشل میڈیا پرچھائے ہوئے ہیں۔وزیراعظم آزاد کشمیر سردار تنویر الیاس نے گزشتہ وز میرپور کے ڈی ایچ کیو اسپتال کا اچانک دورہ کیا۔دورے کے موقع پر تنویر الیاس زچہ بچہ وارڈ میں گئے تو خاتون کو مخاطب کرتے ہوئے انہوں نے کہا کہ ”ہی جو بچہ پیدا ہوا یہ نیا پیدا ہوا ہے؟، آپ کو کیا لگتا ہے؟“، جس پر وہاں موجود افراد ایک دوسرے کا چہرہ دیکھنے لگے۔تنویرالیاس کی یہ ویڈیو تیزی سے وائرل ہوئی اور ساتھ ہی سوشل میڈیا صارفین کی رگ ظرافت بھی پھڑک اٹھی۔
بیشتر نے اپنے تبصروں میں انہیں تنقید کا نشانہ بھی بنایا لیکن بڑی تعداد میں صارفین نے محظوظ ہوتے ہوئے سوالات اٹھائے کہ کیا پرانا بچہ بھی پیدا ہوتا ہے؟۔کسی نے ’نئی پیکنگ میں پرانا بچہ‘ تو کسی نے اس نومولود کو فریج کی پراڈکٹ قراردے دیا۔