اسلام آباد، راولپنڈی سمیت ملک کے کئی علاقوں میں 6.3 شدت کے زلزلے کے جھٹکے

اسلام آ باد(پی پی آ ئی)اسلام آباد، راولپنڈی کشمیر سمیت ملک کے کئی علاقوں میں زلزلے کے شدید جھٹکے محسوس کیے گئے ہیں۔تفصیلات کے مطابق اسلام آباد، راولپنڈی کشمیر اور گردونواح میں زلزلے سے لوگوں میں خوف وہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔زلزلہ پیما مرکز کیمطابق ریکٹر اسکیل پر زلزلے کی شدت 6 اعشاریہ 3 ریکارڈ کی گئی ہے جبکہ اس کی گہرائی 150کلومیٹر زیر زمین تھی۔زلزلہ پیما مرکز کیمطابق زلزلے کا مرکز تاجکستان تھا۔زلزلہ پیما مرکز کے مطابق زلزلے کے جھٹکے بیلٹ پر موجود شمالی اور بالائی علاقوں تک ممکنہ طور پر محسوس کیے گئے ہیں۔زلزلے سے کسی جانی ومالی نقصان کی اطلاع موصول نہیں ہوئی ہے۔