ڈالر نے تاریخ کی بلندترین سطح پر پہنچنے کا نیا ریکارڈ بنادیا

کرا چی(پی پی آئی) امریکی کرنسی کے مقابلے میں روپے کی قدر دوبارہ کم ہونے لگی، ڈالر ملکی تاریخ کی بلند ترین سطح پر پہنچ گیا۔کاروباری ہفتے کے چوتھے روز انٹربینک میں ڈالر ملکی تاریخ کی بلند ترین سطح پر پہنچ گیا ہے، انٹر بینک میں ڈالر کی قیمت میں 3 روپے 17 پیسے اضافہ دیکھنے میں آیا جس کے بعد امریکی کرنسی 272 روپے کی ریکارڈ سطح پر پہنچ گیا۔موجودہ حکومت کے 10 ماہ میں ڈالر کے مقابلے میں روپے کی قدر 49 فیصد گر چکی ہے اور ڈالر کی قدر میں 90 روپے بڑھ چکی ہے۔