عمر کوٹ،کلانکر جھیل میں زائرین کی کشتی الٹ گئی، 6 افراد ڈوب گئے،3 لاشیں نکال لی گئیں

عمر کوٹ (پی پی آ ئی) عمرکوٹ کے علاقے کلانکر جھیل میں زائرین کی کشتی الٹنے سے 6 افراد ڈھوب کر جاں بحق ہوگئے۔ریسکیو رضا کاروں نے 3 افراد کی لاشوں کو نکال لیا ہے باقی ڈھوبنے والوں کی لاشوں کی تلاش کا سلسلہ جاری ہے کشتی میں 10 افراد سوار تھے۔عمرکوٹ کے ڈھورونارو کے گاؤں کنھار کے رہائشی افراد سیھڑ فقیر کی درگاہ کی زیارت کے بعد واپس اپنے گاؤں جارہے تھے کہ کشتی کلانکر جھیل میں الٹ گئی۔جاں بحق ہونے والوں میں خاتون سمیت تین افراد کی لاشوں کو جھیل سے نکال لیا گیا۔ جبکہ دیگر تین کی تلاش کے لئے جاری ریسکیو آپریشن کو اندھیرے کے باعث روک دیا گیا ہے۔دوسری جانب حادثے میں جاں بحق ہونے والے افراد کی لاشیں گھر پہنچنے پر کہرام مچ گیا۔