ویمنز ٹی20: ندا ڈار نے انیسہ، میگن اور ایلکس پیری کو پیچھے چھوڑ دیا

کراچی(پی پی آ ئی) ویمنز ٹی 20 کرکٹ میں پاکستانی آل راؤنڈر ندا ڈار نے تاریخ رقم کر دی،آل راؤنڈر ندا ڈار نے 130 میچز میں 126 وکٹیں اپنے نام کر کے ویسٹ انڈین سپنر انیسہ محمد اور میگن شٹ کو پیچھے چھوڑ دیا، وہ اب ویمنز ٹی 20 کرکٹ میں زیادہ وکٹیں اڑانے والی بولر بن گئیں۔ویمنز ٹی 20 کرکٹ میں دوسرے نمبر پر انیسہ محمد نے 125 وکٹیں، میگن شٹ 122 وکٹوں کے ساتھ دوسرے اور الیس پیری 122 وکٹیں لے کر چوتھے نمبر پر ہیں۔یاد رہے کہ گزشتہ ماہ ندا ڈار کو آئی سی سی ویمنز ٹی 20 ٹیم آف دی ایئر 2022 میں بھی شامل کیا گیا تھا، ندا نے کپتان بسمہ کی عدم دستیابی پر انگلینڈ سے میچ میں قیادت سنبھالی تھی، انہوں نے اس مقابلے میں 47 رنز دے کر ایک وکٹ اپنے نام کی۔