حکومت جان لے الیکشن کروا کر ہی جان چھوٹنی ہے: پرویز الٰہی

لاہور (پی پی آئی) رہنما پاکستان تحریک انصاف و سابق وزیراعلیٰ پنجاب چوہدری پر ویز الٰہی نے کہا ہے جیل بھرو تحریک آئین کے تحفظ اور انتخابات کے لیے ہے، حکومت جان لے الیکشن کرواکر ہی جان چھوٹنی ہے۔اپنے ایک بیان میں سابق وزیراعلیٰ چوہدری پرویزالٰہی نے کہا کہ تحریک انصاف کے رہنما اور کارکن رضاکارانہ گرفتاریاں پیش کرکے حقیقی آزادی کے لیے جدوجہد کررہے ہیں، عمران خان کی کال پر عوام اور پارٹی کارکن جیلوں میں جانے کیلئے تیار ہیں، آئین سے کھیلنے والے حکمران اپنے لیے خود آرٹیکل 6 کی راہ ہموار کررہے ہیں، عوام عمران خان کے ساتھ ہیں یہی خوف پی ڈی ایم کو الیکشن سے روکے ہوئے ہے۔ان کا کہنا تھا کہ آئین کے تحفظ کی جدوجہد میں قوم عمران خان کے ساتھ ہے۔