جموں میں نوجوان کو گولی مار کر قتل،ادھم پور میں نامعلوم افرادکا کشمیری ڈرائیور پرحملہ
سری نگر(پی پی آ ئی) بھارت کے زیر قبضہ جموں و کشمیر کے ضلع پونچھ کے علاقے سرنکوٹ میں ایک شخص کی لاش درخت سے لٹکی ہوئی پائی گئی۔ حکام نے بتایاکہ مقامی لوگوں نے سنائی سرنکوٹ سے تعلق رکھنے والے فاروق احمد کی لاش درخت سے لٹکی ہوئی دیکھی توپولیس کو مطلع کردیا۔ دریں اثنا ضلع گاندربل کے علاقے کنگن سے بھی ایک 40سالہ شخص محمد شعبان نجار کی لاش برآمد ہوئی ہے۔دوسری جانب مقبو ضہ جموں و کشمیر میں جموں خطے کے ضلع اودھم پور میں نامعلوم غنڈوں نے ایک کشمیری ڈرائیور پر حملہ کردیا۔حملہ آوروں نے محمد اسحاق کھولی نامی ڈرائیور کو ضلع کے علاقے مانسر میں نامعلوم وجوہات کی بنا پر تشدد کا نشانہ بنایا۔ گاڑی پر سوار غنڈوں نے اسحاق کی گاڑی کو روکا جو جموں سے سرینگر جارہی تھی اور زبردستی اسحاق کو ٹرک سے باہر نکال کر شراب کی بوتل اس کے سر پر ماردی اور اس کو تشدد کا نشانہ بنایا۔ ڈرائیور کے بھائی نے بتایاکہ اسحاق کے سر پر چوٹیں آئی ہیں اور اسے مقامی ہسپتال منتقل کر دیا گیا ہے۔اس دوران متعدد کشمیری ڈرائیوروں نے موقع پر پہنچ کراحتجاج کیا اور مجرموں کے خلاف فوری کارروائی کا مطالبہ کیا۔جموں شہر میں ایک نوجوان کو گولی مار کرقتل کر دیا گیاہے۔جبکہ جموں شہر میں ایک نوجوان کو گولی مار کرقتل کر دیا گیاہے۔حکام نے بتایاکہ اروند نامی نوجوان کو لکھن پال نے شہر کے مضافاتی علاقے گھروٹہ میں اپنے باپ کے لائسنس یافتہ 12بورہتھیار سے قتل کردیا۔انہوں نے بتایاکہ ملزم کو پولیس نے گرفتار کر لیا ہے۔