وزیر داخلہ رانا ثنااللہ اور صوبائی وزیر داخلہ ضیا لانگو کی بارکھان میں دھماکے کی مذمت

اسلام آباد/کوئٹہ(پی پی آ ئی)وفاقی وزیر داخلہ رانا ثنااللہ نے بلوچستان کے علاقے بارکھان میں دھماکے کی مذمت کرتے ہو ئے دھماکے میں قیمتی جانوں کے ضیاع پر گہرے دکھ اورغم کااظہارکیا ہے اورواقعہ کی رپورٹ طلب کرلی ہے۔اپنے بیان میں رانا ثناا للہ نے کہاہے کہ دہشت گرد بلوچستان میں امن اور ترقی کے دشمن ہیں،دہشتگرداپنے مذموم مقاصد میں کبھی کامیاب نہیں ہونگے۔دوسری جا نب صوبائی وزیر داخلہ ضیا لانگو نے بارکھان دھماکے کی مذمت اور جانی نقصان پر اظہار افسوس کرتے ہوئے کہاکہ کسی کو بلوچستان کا امن تباہ کرنے کی اجازت نہیں دیں گے، اتحادواتفاق سے دشمن کی ہر سازش ناکام بنائیں گے۔