بارہمولہ پٹن میں ایک شہری ٹرین کی زد میں آکر جاں بحق
24گھنٹوں کے دوران پراسرار حالت میں دوسری لاش ملی
سری نگر (پی پی آئی)مقبوضہ جموں و کشمیرمیں گزشتہ 24گھنٹوں کے دوران جنوبی کشمیر کے ضلع کولگام میں ایک اورکشمیری نوجوان کی لاش پراسرار حالات میں ملی ہے۔17سالہ عمران حسین ضلع کے علاقے نانی بوگ میں اپنی رہائش گاہ کے قریب بے ہوش پڑا ہوا پایاگیا۔نوجوان کو فوری طور پر ہسپتال لے جایا گیا جہاں ڈاکٹروں نے اسے مردہ قرار دیا۔پی پی آئی کے مطابق کولگام ضلع میں گزشتہ 24گھنٹوں کے دوران پراسرار حالت میں ملنے والی یہ دوسری لاش ہے۔مقبوضہ کشمیرمیں بھارتی فوج اور اس کی حمایت یافتہ ہندوتوا ملیشیا عموما ً مقبوضہ علاقے میں خوف و ہراس پھیلانے اور منشیات اور شراب کے استعمال کو فروغ دینے کیلئے نوجوانوں کے قتل میں ملوث ہوتی ہے۔ادھر ضلع بارہمولہ کے علاقے ہمرے پٹن میں ایک شہری ٹرین کی زد میں آکر جاں بحق ہوگیا۔