عدالت نے سابق وزیراعظم کی 9 مارچ تک عبوری ضمانت منظور کی، تحریری حکم نامہ
اسلام آ باد(پی پی آ ئی)اسلام آباد ہائیکورٹ نے توشہ خانہ کیس میں چیئرمین پی ٹی آئی عمران خان کی ضمانت کا تحریری حکم نامہ جاری کر دیا۔ تحریری حکم نامے کے مطابق عدالت نے سابق وزیراعظم عمران خان کی 9 مارچ تک عبوری ضمانت منظور کرلی، عبوری ضمانت ایک لاکھ روپے کے مچلکوں کی عوض منظور کی گئی ہے۔عدالتی حکم نامے میں کہا گیا ہے کہ وکیل کے مطابق عمران خان کو بدنیتی پر مقدمے میں شامل کیا گیا، وہ مقدمے کی تفتیش اورعدالت میں پیش ہونے کے پابند ہوں گے۔عمران خان کی ضمانت کی درخواست پر فریقین کو نوٹسز جاری اور جواب طلب کرلیا گیا۔