قازقستان کا پاکستان کیلئے براہ راست پروازیں چلانے کا فیصلہ

کراچی (پی پی آئی)قازقستان نے پاکستان کیلئے براہ راست پروازیں چلانے کا فیصلہ کرلیا۔قازقستان حکومت نے اس حوالے سے تمام تر تیاریاں مکمل کرلی ہیں، قازقستان ائیر لائن نے 7 نِئے جہاز خرید لئے، ایک ہفتے میں 7 پروازیں لاہور اور اسلام آباد کے لئے چلائی جائیں گی۔سول ایویشن کی جانب سے اب تک فلائٹ شیڈول جاری نہیں کیا گیا، فلائٹ شیڈول جاری نہ ہونے سے آپریشنز تاخیر کا شکار ہے، فلائٹ آپریشن بحال ہونے سے قازقستان کا سفر 2 گھنٹے 35 منٹ ہوجائے گا۔ اس سے قبل قزاقستان کا سفر 18 سے 19 گھنٹے ہے۔ راستے بحال ہونے سے دو طرفہ تجارتی تعلقات میں اضافہ ہوگا، اس وقت دونوں ممالک کے تجارت کا حجم 200 ملین ڈالر ہے، جو 1 ارب ڈالر تک پہنچ سکتا ہے۔ پاکستان ٹیکسٹائل، میڈیسن،فشریز،پھل سبزیاں اور گوشت برآمد کرکے برآمدات بڑھا سکتا ہے۔