الیکشن جتنی جلدممکن ہو ایک ہی دن، نگران حکومت کے ذریعے ہوں:فاروق نائیک

اسلام آباد (پی پی آئی) پیپلزپارٹی کے وکیل فاروق ایچ نائیک نے ملک بھر میں ایک ساتھ انتخابات کرانے کی درخواستوں پر سماعت کے دوران کہا کہ الیکشن جتنی جلدی ممکن ہو ایک ہی دن ہونے چاہئیں،ملک بھر نگران حکومت کے ذریعے انتخابات ہونے چاہئیں،سیاسی معاملات پارٹیوں کے درمیان طے ہونے چاہئیں،سیاسی معاملے میں کسی ادارے کو مداخلت نہیں کرنی چاہئے۔پی پی آئی کے مطابق سپریم کورٹ میں ملک بھر میں ایک ساتھ انتخابات کرانے کی درخواستوں پر سماعت ہوئی،چیف جسٹس پاکستان عمر عطا بندیال کی سربراہی میں 3 رکنی بنچ سماعت نے کی،جسٹس اعجاز الاحسن اور جسٹس منیب اختر بھی بنچ میں شامل ہیں،وقفے کے بعد سماعت کا دوبارہ آغازہو گیا، اٹارنی جنرل عدالت کے سامنے پیش ہوئے۔