لاہور(پی پی آ ئی)پیپلز پا رٹی کے رہنما سینئر قانون دان اعتزاز احسن نے کہا کہ حکومت مذاکرات سے نکلنا چاہتی ہے،یہ کوشش کررہے ہیں عدالت 90 دن کے معاملے پر مجبور ہو جائے۔ میڈیا سے گفتگو کرتے ہوئے اعتزاز احسن نے کہاکہ پرویز الٰہی کے گھر کا دروازہ بکتر بند گاڑی سے توڑنے کی کوشش کی گئی،کیوں نئی قسم کی روایتیں ڈالی جارہی ہیں،اس طرح کی کارروائیوں سے کوئی مرعوب نہیں ہوگا، پولیس کے اس اقدام سے وفاق اور نگران صوبائی حکومت کو نقصان ہو گا،یہ مت سوچیں کہ اس فلم سے لوگ ڈر جائیں گے۔اعتزاز احسن نے کہا ہے کہ حکومت مذاکرات سے نکلنا چاہتی ہے،یہ کوشش کررہے ہیں عدالت 90 دن کے معاملے پر مجبور ہو جائے، مذاکرات کے معاملے کو تحریک انصاف سنجیدگی سے دیکھے گی،سپریم کورٹ نے 14 مئی کو احکامات کئے تھے، عمل کرنا ضرور ی ہے۔