لاہور (پی پی آئی) لاہور کے علاقے چوہنگ میں سی آئی اے پولیس اور شوٹرز کے درمیان مقابلے کے دوران تین ملزمان ہلاک ہوگئے۔ پی پی آئی کے مطابق زیر حراست ملزمان کو ان کے ساتھیوں کی گرفتاری کیلئے لے جایا جارہا تھا کہ چوہنگ کے قریب ملزمان کے ساتھیوں نے پولیس پارٹی پر فائرنگ کردی۔ پولیس نے دعویٰ کیا کہ ملزمان کے ساتھیوں کی فائرنگ کے جواب میں پولیس پارٹی کی جانب سے بھی فائرنگ کی گئی اور اس دوران زیر حراست ملزمان کاشان، یوسف اور احمد اپنے ہی ساتھیوں کی فائرنگ سے مارے گئے۔ پولیس نے بتایا کہ مارے گئے تینوں شوٹرز کا تعلق شہباز گینگ سے ہے جبکہ ہلاک شوٹرز کے ساتھی اندھیرے کا فائدہ اٹھا کر فرار ہوگئے جن کی گرفتاری کیلئے ناکہ بندی کرکے سرچ آپریشن کا آغاز کردیا گیا ہے۔
Next Post
جشن نیلم کی3روزہ تقریبا ت جاری،محافل حمد و نعت کا اہتمام
Sat May 13 , 2023
اٹھمقا م(پی پی آئی)جشن نیلم کی تین روزہ رنگا رنگ تقریبا ت جاری ہیں۔ اس موقع پر منعقدہ محافل حمد و نعت میں علمائے اکرم،عاشقان رسول ﷺنے گلہائے عقیدت پیش کیے۔اٹھ مقام کے کوہ دمن درود پاک سے گونج اْٹھے۔ ہزاروں کی تعداد میں اہل علاقہ نے شرکت کی ہے۔