خواتین کو تحفظ فراہم کرنے کیلئے سندھ بھر میں سیف ہاؤس قائم

کراچی (پی پی آئی)خواتین کو تحفظ فراہم کرنے کیلئے تحصیل سطح پر سندھ بھر میں سیف ہاؤس قائم کئے گئے ہیں۔بتایا گیا ہے کہ تشدد کا شکار خواتین کو تحفظ فراہم کرنے کیلئے تحصیل سطح پر بنائے گئے سیف ہاؤسز24 گھنٹے کھلے ہوں گے،کسی بھی خاتون سے کوئی تشدد یا گھریلو مسئلہ ہو وہ پولیس اسٹیشن پر جانے کے بجائے سیف ہاؤس میں آ کر تحفظ لے سکتی ہے،پی پی آئی کے مطابق متاثرہ خاتون کو کم از کم تین روز تک سیف ہاؤس میں ہنے کھانے، پینے، صحت سمیت ہر طرح کا خیال رکھا جائے گا بعد ازاں متاثرہ خاتون کو عدالت میں پیش کر کے جو بھی عدالت کا حکم ہو گا اس پر عمل کیا جائے گا۔