پاکستان میں 22 ملین نوجوان شادی کے منتظر،ہر گھر اچھے رشتے کا متلاشی

کراچی(پی پی آئی) پاکستان میں 22 ملین نوجوان شادی ہونے کا انتظار کر رہے ہیں۔ شادی دفاتر کی تنظیم “ملاپ”نے ایک رپورٹ میں انکشاف کیا ہے کہ ملک بھر میں ہر گھر اچھے رشتے کی تلاش میں ہے۔ ہر گھر اس مسئلے کا سامنا کر رہا ہے حالانکہ پاکستان میں بیشتر والدین اپنے بچوں کی شادیاں کزن سے کرواتے ہیں اور ایسا نہ ہونے کی صورت میں خاندان سے باہر رشتے پر آمادہ ہو تے ہیں لیکن ذات برادری سے باہر اچھے اور مناسب رشتوں کا میسر نہ ہونا بھی ایک مسئلہ ہے۔