ریاستی بربریت کے مزید شواہد سامنے آرہے ہیں: عمران خان

لاہور(پی پی آ ئی) پی ٹی آئی چیئر مین عمران خان نے سوشل میڈیا پر ایک بچے کی ویڈیو شیئر کرتے ہو ئے کہا کہ ریاستی بربریت کے مزید شواہد سامنے آرہے ہیں۔ اپنے ٹوئٹر پیغام میں عمران خان نے کہا کہ ”اقتدار میں بیٹھے مجرموں نے جلاؤ گھیراؤ میں ملوث افراد کی نشاندہی کی آڑ میں تحریک انصاف کے کارکنان اور سپورٹرز کی زباں بندی اور انہیں دبانے کیلئے فسطائی حربوں کا سہارا لیا ہے۔ خوف و دہشت کے فروغ کی ایک سوچی سمجھی مہم میں خواتین اور بچوں تک کو نہیں بخشا گیا“۔