پاکستان میں سمندری طوفان سے 2 افراد جاں بحق، 22 زخمی:ڈبلیو ایچ او

کرا چی(پی پی آ ئی)عالمی ادارہ صحت نے کہا کہ پاکستان میں سمندری طوفان سے 2 افراد جاں بحق اور 22 زخمی ہوئے، تقریباً ایک لاکھ افراد کو اپنے گھر چھوڑنے پڑے۔عالمی ادارہ صحت نے پاکستان میں سمندری طوفان سے متعلق اپنی رپورٹ جاری کردی۔ ڈبلیو ایچ اونے کہا ہے کہ شدت میں کمی آنے کے بعد سمندری طوفان کیٹگری ون میں داخل ہوگیا، سمندری طوفان سے پاکستان کے 4 اضلاع شدید متاثر ہوئے جبکہ ایک لاکھ کے قریب افراد کا انخلا ہوا۔ورلڈ ہیلتھ آرگنائزیشن کے مطابق بدین سے 31 ہزار280، سجاول 23 ہزار695، ٹھٹھہ 22 ہزار، ملیر سے 5 ہزار افراد کا انخلاکیا گیا۔رپورٹ میں بتایا گیا ہے کہ پاکستان میں سمندری طوفان سے 2 اموات جبکہ 22 افراد زخمی ہوئے، 4 ہزار سے زائد مریضوں کو طبی سہولت اور 1448 بچوں کو ویکسین دی گئیں، ٹھٹھہ، سجاول، بدین میں محکمہ صحت نے اضافی عملے کی درخواست کی۔ سمندری طوفان سے متاثرہ اضلاع میں 81 ریلیف اور 186 میڈیکل کمپس بنائے گئے، این ڈی ایم اے مسلسل تمام متعلقہ ادرواں سے رابطے میں ہے، تیسری ٹیکنکل ورکنک گروپ میٹنگ میں تمام صورت حال کا جائزہ لیا گیا۔