پولیس انتظامیہ اور حکومت کیلئے ریڈھ کی ہڈی کی حیثیت رکھتی ہے: وزیر اعلیٰ خا لد خور شید

پولیس ٹریننگ کالج گلگت میں پولیس جوانوں کے پاسنگ آؤٹ پریڈ کے حوالے سے منعقدہ تقریب میں خطاب کرتے ہو ئے وزیراعلی خالد خورشید نے کہا ہے کہ امن وامان حکومت کی اولین ترجیحات میں شامل ہے، جس کی بنیادی ذمہ داری پولیس کی ہوتی ہے۔ گلگت بلتستان میں پولیس کی تعداد کم ہونے کے باوجود اپنی ذمہ داری بخوبی سرانجام دیں ہیں۔ گلگت بلتستان پولیس نے ہمیشہ امن وامان برقرار رکھنے میں صف اول کا کردار ادا کیا ہے۔ نئے پولیس پاسنگ آؤٹ ہونے والے جوان مثالی فورس کا حصہ بننے جارہے ہیں۔ آپ کی ذمہ داری ہے کہ تمام تر تعصبات سے بالاتر ہوکر امن وامان اور قانون کی بالادستی کیلئے اپنی فرائض سرانجام دیں۔ وزیر اعلیٰ گلگت بلتستان نے نئے جوانوں کو مبارک باد پیش کی۔ اس موقع پر وزیر اعلیٰ نے کہاکہ ٹریننگ انسٹیٹیوٹ کو مثالی ادارے بنانے کیلئے حکومت گلگت بلتستان درکار وسائل فراہم کرے گی۔ وزیر اعلیٰ نے اس موقع پر پاسنگ آؤٹ پریڈ کا معائنہ کیا اور دوران ٹریننگ بہترین کارکردگی کا مظاہرہ کرنے والے ریکروٹس میں شیلڈ اور انعامات تقسیم کئے۔ پاسنگ آؤٹ پریڈ کے دوران گلگت بلتستان پولیس کے پیراگلائیڈرز نے اپنے فن کا مظاہرہ کیا۔