اورماڑہ کی ساحلی پٹی سے2 افراد کی لاشیں برآمد، شناخت نہیں ہو سکی

اورماڑہ (پی پی آئی) اورماڑہ کی ساحلی پٹی سے دو افراد کی لاشیں برآمد ہوئی ہیں جن کی شناخت نہیں ہو سکی ہے تاہم اسسٹنٹ کمشنرپسنی محمدجان بلوچ کا کہنا ہے کہ دونوں افراد کی لاشوں کوسمندر کی لہروں نے ساحل پرپھینک دیا تھا، خدشہ ہے دونوں افراد کی موت سمندری طوفان کی وجہ سے ہوئی ہے، دونوں افراد کی لاشیں پنجک کے علاقے میں ایک ٹینک میں پڑی تھیں۔ اسسٹنٹ کمشنرپسنی کا مزید کہنا ہے کہ یہ ٹینک عموماً ماہی گیروں کی کشتیوں میں ہوتے ہیں، شاید دونوں افراد نے سمندری طوفان سے بچنے کے لیے ٹینک میں پناہ لی تھی، شناخت اور پوسٹ مارٹم کے لیے دونوں افراد کی لاشوں کو ہسپتال منتقل کیا گیا ہے۔پی پی آئی کے مطابق جاں بحق ہونے والے ایک شخص کی جیب سے عبدالحکیم کے نام سے ایک ایرانی اے ٹی ایم کارڈ برآمد ہوا ہے۔