لاہور(پی پی آئی)لاہور کی کوٹ لکھپت اور اڈیالا جیل کو دبئی کی طرز پر ماڈل جیل بنانے کا منصوبہ زیر غور ہے،پنجاب حکومت نے محکمہ مواصلات و تعمیرات اور محکمہ جیل خانہ جات سے پلان طلب کرلیا ہے۔پی پی آئی کے مطابق نگران وزیر اعلی پنجاب نے محکمہ داخلہ پنجاب کو جیلوں کی اپگریڈیشن کا ٹاسک دے دیا، پہلے مرحلے میں کوٹ لکھپت اور اڈیالا کو دبئی کی طرز پر ماڈل جیل بنایا جائے گا، قیدیوں کے لیے جیلوں میں ماڈل جیل کی طرح انفراسٹرکچر اور دیگر سہولیات میسر ہوں گی،محکمہ داخلہ پنجاب کا کہنا ہے کہ ماڈل جیل پر ورکنگ جاری ہے۔