بھارت سے آئی انجو کے اسلام آباد میں سیر سپاٹے، ویڈیو وائرل

 اسلام آباد (پی پی آئی)پاکستانی نوجوان کی محبت مبتلا بھارت سے آنے والی لڑکی انجو کی اپنے شوہر کے ہمراہ اسلام آباد میں سیر کرتے ہوئے پائی گئی۔ انجو دیربالا کے رہائشی نصراللہ کی محبت میں پاکستان پہنچی تھی، وہ قانونی طور پر ویزا لیکر پاکستان آئی، جس کے بعد اس نے نصراللہ سے شادی کرلی تھی۔پی پی آئی کے مطابق ٹوئٹر پر ایک صارف نے انجو کی اسلام آباد میں سیر کرنے کی وڈیو شئیر کرتے ہوئے لکھا کہ انجو خوش نظر آرہی ہے لیکن جوڑے نے مجھے لائیو انٹرویو نہیں دیا۔دلیپ کمار نامی صارف نے مزید لکھا کہ اگر مجھے موقع ملا تو میں بہت سارے سوالات کے ساتھ پنڈورا باکس ضرور کھولوں گا۔خیال رہے کہ انجو اور نصراللہ کا نکاح ڈسٹرکٹ اینڈ سیشن جج کی عدالت میں ہوا اور نکاح کے بعد جوڑے کو پولیس نے اپنی حفاظت میں گھر تک پہنچایا تھا۔