کوئٹہ میں اسپنی روڈ پر تھانے کے قریب دھماکہ، مبینہ حملہ آور ہلاک

کوئٹہ(پی پی آئی) کوئٹہ میں اسپنی روڈ پر دھماکہ ہوا جس میں مبینہ حملہ آور ہلاک ہوگیا،پولیس کے مطابق دھماکہ پولیس سٹیشن خروٹ آباد کے قریب ہوا۔پی پی آئی کے مطابق ایس ایچ او خروٹ آباد  کا کہنا ہے کہ ہلاک شخص کے پاس بارودی مواد تھا اوروہ پولیس ناکے کو ٹارگٹ کرنا چاہتا تھا۔ پولیس حکام کا کہنا ہے ہلاک شخص بارودی مواد پولیس ناکے کی جانب لارہا تھا، تاہم راستے میں ہی دھماکہ ہوگیا، پولیس نے لاش کو تحویل میں لیکر تفتیش شروع کردی ہے۔