مظفر آباد/آزاد کشمیر(پی پی آئی)آزادجموں وکشمیر یونیورسٹی کے کنگ عبداللہ کیمپس کا افتتاح جمعہ 4اگست کو کیا جائے گا۔آزادجموں وکشمیر کے صدر اور یونیورسٹی کے چانسلر بیرسٹر سلطان محمود چوہدری اور پاکستان میں سعودی عرب کے سفیر نواف بن سعید المالکی کیمپس کا افتتاح کریں گے۔پی پی آئی کے مطابق افتتاحی تقریب میں سعودی عرب کی حکومت کے اعلیٰ حکام، سعودی فنڈ فارڈویلپمنٹ ایشیاکے ڈائریکٹر ڈاکٹر سعودالشماری بھی شرکت کریں گے۔ کنگ عبداللہ کیمپس کی تعمیر کیلئے مالی معاونت کی منظوری 2005 کے زلزلے کے بعد سعودی فرمانرواکنگ عبداللہ بن عبدالعزیزنے دی تھی۔دس ار ب روپے کی لاگت سے تعمیر ہونے والے کیمپس میں 20سے زیادہ تعلیمی شعبہ جات کی عمارات تعمیر کی گئی ہیں۔طلباو طالبات کیلئے علیحدہ علیحدہ ہاسٹلز، اساتذہ کیلئے فیکلٹی ہاسٹل، آڈیٹوریم،وسیع لائبریری، جدید سائنس اور کمپیوٹر لیبارٹریز، جمنازیم، انڈورگیمزکی سہولیات کے علاوہ وسیع پارکنگ ایریابھی موجود ہ ہے۔
Next Post
نگراں وزیراعظم کی دوڑ میں پیر پگارا بھی شامل
Thu Aug 3 , 2023
اسلام آباد (پی پی آئی) اسلام آباد کے اہم مقتدر حلقے نگراں وزیراعظم کیلئے سندھ سے پیر پگارا، جسٹس وجیہ الدین احمد اور محمد میاں سومروکے ناموں پر بھی غور کر رہے ہیں۔پی پی آئی کے مطابق نگراں وزیراعظم کیلئے سندھ اور بلوچستان موسٹ فیورٹ ہیں