جام شورو: پاکستان باکسنگ فیڈریشن کی زیر نگرانی اورجامعہ سندھ کے زیر اہتمام 3 روزہ آل پاکستان انٹر یونیورسٹیز باکسنگ چیمپئن شپ 4 اپریل سے جامعہ سندھ جامشورو میں شروع ہو رہی ہے، جس میں ملک کی27 یونیورسٹیوں نے ایونٹ میں شرکت کی تصدیق کی ہے۔پاکستان باکسنگ فیڈریشن کی زیر نگرانی اور جامعہ سندھ کی زیر اہتمام آل پاکستان انٹر یونیورسٹیز باکسنگ چیمپئن شپ 4 سے 6 اپریل تک جامعہ سندھ میں منعقد کی جائے گی، جس کی تیاریوں کو حتمی شکل دی گئی ہے۔ ایونٹ میں ملک کی 27 یونیوسٹیوں کی ٹیمیں شرکت کریں گی۔چیمپئن شپ کا افتتاح شیخ الجامعہ سندھ پروفیسر ڈاکٹر نذیر اے مغل کریں گے، جبکہ 6 اپریل کو منعقد ہونے والے فائنل کے موقع پر کمشنر حیدرآباد جمال مصطفی سید بطور مہمان خاص شرکت کریں گے۔ اس حوالے سے ڈائریکٹر اسپورٹس جامعہ سندھ ڈاکٹر اکرم انصاری نے بتایا کہ ایونٹ میں100 سے زائد باکسر شرکت کریں گے جن کی رہائش کا بندوبست سندھ یونیورسٹی کے ہاسٹل، حیدرآباد کلب اور مختلف ہوٹلز میں کیا گیا ہے۔ انھوں نے کہا کہ باکسنگ چیمپئن شپ ایک میگا ایونٹ ہے جس کے لیے آرگنائزنگ اور پروٹیسٹ کمیٹی قائم کی گئی ہیں تاکہ ایونٹ شاندار انداز میں منعقد ہوسکے ۔جامعہ سندھ کو یہ اعزاز حاصل ہے کہ اس نے عالمی سطح پر یونیورسٹی گیمز میں پاکستان کے لیے میڈل جیتا ہے۔ اولپمپیئن اصغر علی شاہ نے جامعہ سندھ کی طرف سے ترکی میں 2003ع میں منعقد ہونے والے ورلڈ انٹر یونیورسٹی کے باکسنگ مقابلے میں کانسی کا تمغہ اپنے نام کیا تھا۔۔
Latest from Blog
کراچی(پی پی آئی) کراچی کی میمن گجراتی برادری نے یوم گجراتی بولی منایا اور گجراتی بولی
کراچی(پی پی آئی)عالمی یوم آزادی صحافت کے موقع پرکراچی میں مقیم احباب شاہ پور چاکر کی
سکھر(پی پی آئی) جماعت اسلامی پاکستان کے نائب امیرلیاقت بلوچ نے سکھر میں جماعت اسلامی کے
بیجنگ/اسلام آباد(پی پی آئی)پاکستان نے تاریخی سنگ میل عبور کرلیا، تاریخی خلائی مشن چاند کے سفر
تلہار(پی پی آئی)تلہار کے سرکاری اسپتال میں مبینہ طور پر غلط انجکشن لگانے سے بچہ جاں
اسلام آباد(پی پی آئی)پی ٹی آئی کے رہنما شیر افضل مروت نے اپنے بھائی معاون خصوصی
کراچی(پی پی آئی)بلوچستان کے ضلع خضدار میں ریموٹ کنٹرول بم دھماکے سے خضدار پریس کلب کے
خضدار(پی پی آئی)بلوچستان کے ضلع خضدار میں ریموٹ کنٹرول بم دھماکے سے گاڑی تباہ ہوگئی۔ دھماکے
ٹورنٹو (پی پی آئی)کینیڈا کے شہر ٹورنٹو کی پولیس نے کینیڈین بینکوں میں جعلی دستاویزات پر
اسلام آباد(پی پی آئی)پاکستانی عازمین کیلئے حج ایپ متعارف کروا دی گئی جسے ہر حاجی کیلئے