کوئٹہ(پی پی آئی)بلوچستان عوامی پارٹی کے مرکزی جنرل سیکرٹری منظور کاکڑ نے کہا کہ بلوچستان میں بی اے پی پھر حکومت بنا کر صوبے کی حالت اور تقدیر بدلے گی۔ پی پی آئی کے مطابق منظور کاکڑ نے کہا کہ پارٹی میں کئی اہم شخصیات اور کارکن شامل ہوئے ہیں، پارٹی میں شامل ہونے والے تمام دوستوں کو مبارکباد دیتا ہوں، بلوچستان عوامی پارٹی نے بلوچستان میں بڑے ترقیاتی کام کئے، ایک بار پھر صوبے میں بلوچستان عوامی پارٹی کی حکومت ہوگی۔مرکزی سیکرٹری جنرل بی اے پی نے مزید کہا کہ ہماری حالت بدلنے کے لئے باہر سے کوئی نہیں آئے گا، اس صوبے کی حالت اور تقدیر ہم خود بدلیں گے۔