کراچی: پاکستان میڈیکل ایسوسی ایشن سینٹر اورپاکستان میڈیکل ایسوسی ایشن کراچی کا ہنگامی اجلاس سابق صدر پی ایم اے ،سینٹر پروفیسر ایس ٹیپو سلطان کی صدارت میںپی ایم اے ہاﺅس گارڈن روڈ کراچی میں منعقد ہوا۔ا جلاس میں ڈاکٹر مرزا علی اظہر ، ڈاکٹر ایس ایم قیصر سجاد، ڈاکٹر ادریس ایدھی، ڈاکٹر قاضی محمد واثق اوردیگر سینئر ممبران شریک ہوئے۔ شرکاءاجلاس نے سرجن ڈاکٹر حیدر رضاکے قتل کی شدید الفاظ میں مذمت کی۔شرکا کا کہنا تھا کہااس واقعہ سے صرف دو دن پہلے ایک ہومیو پیتھک ڈاکٹر قاسم عباس کو نشانہ بنا کر قتل کر دیا گیا،ایسا معلوم ہوتا ہے کہ حکومت ڈاکٹروں کو تحفظ دینے میں کوئی دلچسپی نہیں رکھتی اور نہ ہی صوبے میں امن و امان کی صورت حال کو بہتر کرنا چاہتی ہے ،کراچی میں ڈاکٹروں کے قتل کے واقعات تسلسل کے ساتھ ہو رہے ہیںلیکن آج تک ایک بھی قاتل نہیں پکڑا گیا ۔ شہر میں جاری کلین اپ آپریشن کے باوجود جرائم کی شرح کم نہیں ہو رہی بلکہ جرائم کی شرح بڑھ رہی ہے۔پی ایم اے وفاقی وزیر داخلہ ، وزیر اعلی سندھ ، چیف سیکریٹری سندھ ، آئی جی پولیس ، ڈی جی رینجرز اور دیگر ریاستی اداروں سے جو امن و امان کو برقرار رکھنے کے ذمہ دار ہیں سے مطالبہ کرتے ہیں کہ اس صورت حال کا فوری نوٹس لیں۔ اور اس واقع میں ملوث ملزمان کو فل فور گرفتار کرکے قانون کے کٹہرے میں لایا جائے۔اجلاس میں اس بات پر زور دیا گیا کہ پی ایم اے کی احتجاج نہ کرنے کی پالیسی نتیجہ خیز ثابت نہیں ہو رہی۔اجلاس میں شریک ڈاکٹروں کی رائے میں اب اس قتل و غارت گری کے خلاف احتجاج کا پیمانہ وسیع کرنا چاہیے۔انھوں نے کہاکہ اس صورت حال میں اگر ڈاکٹر حضرات نے ہڑتال پر جانے کا اپنا حق استعمال کیا تو پھر غریب مریضوں کی بڑھنے والی پریشانیوں کی تمام تر ذمہ داری حکومت پر ہو گی۔
Latest from Blog
کراچی(پی پی آئی) مصالحے بھی مہنگائی میں لہر میں شامل ہو کر عوام کی پہنچ سے
کراچی(پی پی آئی)سندھ میں دوران ڈیوٹی وفات پاجانے والے سرکاری ملازمین کی بیواؤں اور دوران ڈیوٹی
اسلام آباد(پی پی آئی)پاکستان کا پہلا سیٹلائٹ مشن چاند پر بھیجنے کی تیاریاں مکملہیں اور یہ
پشاور(پی پی آئی)انٹرا پارٹی انتخابات میں عوامی نیشنل پارٹی پختونخوا کیلئے نئی کابینہ تشکیل دے دی
اسلام آباد(پی پی آئی)وفاقی حکومت کا ابتدائی 9 ماہ میں مالی خسارہ 4 ہزار 337 ارب
پشاور(پی پی آئی)خیبرپختونخوا میں حالیہ بارشوں سے مجموعی طور پر 36 ہزار 642 ایکڑ زمین پر
اسلام آباد(پی پی آئی)اسلام آباد میں دوران چیکنگ فیملی سے نکاح نامہ طلب کرنے پر 2
لاہور(پی پی آئی)پنجاب حکومت نے ٹیوب ویلز کو سولر پر منتقل کرانے میں کسانوں کو سبسڈی
اسلام آباد(پی پی آئی)پاکستان مسلم لیگ ن آزادجموں وکشمیر کے صدرشاہ غلام قادر نے کہا ہے
اسلام آباد(پی پی آئی)پاکستان تحریک انصاف نے مولانا فضل الرحمان سے فوری رابطے کا فیصلہ کر