ایران سے آپریٹ ہونے والے 2 بھتہ خور لیاری سے گرفتار

کراچی(پی پی آئی)ایران سے آپریٹ ہونے والے گروپ کے 2 کارندوں کو پولیس اور رینجرز نے مشترکہ کارروائی میں لیاری اور گارڈن کے علاقے سے گرفتار کر لیا۔ترجمان رینجرز کے مطابق کراچی کے علاقوں گارڈن اور لیاری میں محکمہ پولیس اور رینجرز نے مل کر کارروائی کی، جس میں لیاری گینگز کے نام پر بھتہ لینے والے 2 ملزمان کو گرفتار کر لیا گیا۔گرفتار ملزم عدنان اور انیس کو ایران سے آپریٹ کیے جانے کا انکشاف ہوا ہے، ملزمان نے آئرن مارکیٹ کے 5 تاجروں کو واٹس ایپ کال کی تھی، اور فون پر خود کو لیاری گینگ وار کمانڈر احمد علی مگسی ظاہر کیا۔ پی پی آئی کے مطابق ملزمان نے تاجر وں سے  لاکھوں روپے بھتہ طلب کیا تھا، یہ ملزمان ایک سال سے  بھتہ خوری کا نیٹ ورک چلا رہے تھے۔