زرداری درمیانی لوگوں کے ذریعے رابطہ کرتے رہے، شیرافضل مروت کا دعویٰ

راولپنڈی (پی پی آئی) پاکستان تحریک انصاف کے رہنماشیر افضل خان مروت نے انکشاف کیا ہے کہ حکومت سازی کے لیے آصف زرداری درمیانی لوگوں کے ذریعے رابطہ کرتے رہے۔ میڈیا سے گفتگو کرتے ہوئے انہوں نے کہا کہ رات 11 بجے تک آصف علی زرداری درمیانی لوگوں کے زریعے مجھ سے رابطہ کرتے رہے، اس دوران انہوں نے کہا حکومت سازی کے لیے ن لیگ کی بجائے پی ٹی آئی ہماری ترجیح ہے، میں نے اس سے متعلق پارٹی قیادت کو آگاہ کیا اور کل جیل میں عمران خان سے ملاقات میں بھی پی پی آفر سامنے رکھوں گا۔شیر افضل مروت کا کہنا ہے کہ مریم نواز صرف 41 سیٹوں پر وزیر اعلی پنجاب بن رہی ہے، پہلے یہ خزانہ چوری کرتے تھے اب مینڈیٹ بھی چوری کررہے ہیں، ہم حکومت بنانے کے لالچ میں ان جماعتوں کے ساتھ نہیں بیٹھیں گے۔۔