نیوکلیئر انرجی سمٹ میں شرکت کیلئے اسحاق ڈارکی برسلزآمد

برسلز(پی پی آئی) وزیرخارجہ اسحاق ڈار جوہری توانائی اجلاس میں شرکت کے لیے برسلز پہنچ گئے ہیں۔جوہری توانائی کا پہلا سربراہی اجلاس آج سے برسلز میں شروع ہورہا ہے، سربراہی اجلاس میں وزیر خارجہ اسحاق ڈار پاکستان کی نمائندگی کر رہے ہیں۔پی پی آئی کے مطابق اس موقع پر وزیر خارجہ اسحاق ڈار اجلاس میں شریک ممالک کے رہنماؤں اور وزرائے خارجہ سے ملاقاتیں بھی کریں گے۔ملاقات کے دوران ایٹمی توانائی اور پائیدار ترقی کو آگے بڑھانے میں مدد دینے کے طریقوں پر تبادلہ خیال کیا جائے گا۔