پاکستان سمیت دنیا بھر میں جنگلات کا عالمی دن منایاگیا

کراچی(پی پی آئی) پاکستان سمیت دنیا بھر میں جمعرات کوجنگلات کا عالمی دن منایا گیا، رپورٹس کے مطابق ملک بھر کے جنگلات میں تیزی سے کمی ہو رہی ہے۔پی پی آئی کے مطابق کسی بھی ملک کے 25 یا پھر کم از کم 20 فیصد رقبے پر جنگلات ہونے چاہئیں لیکن ہمارے ملک میں یہ تناسب بمشکل سے 3.5 سے 5 فیصد تک ہے اور اس میں بھی مسلسل کمی ریکارڈ آ رہی ہے، اِس کی بڑی وجہ شہری آبادی میں اضافہ اور توانائی کے ذرائع میں کمی کو قرار دیاجاتاہے۔ انسٹی ٹیوٹ آف ڈویلپمنٹ کا ایک جائزہ بتاتا ہے کہ گزشتہ 24 سالوں کے دوران ہمارے جنگلات اپنے مزید بیس فیصد رقبے سے محروم ہوگئے ہیں اور ہر سال 27 ہزار ہیکٹر رقبے پر جنگلات کا صفایا کر دیا جاتا ہے۔