چینی کمپنیوں کو پاکستان میں سرمایہ کاری کیلئے ہرممکن امدادفراہم کرینگے،عبدالعلیم خان

اسلام آباد)پی پی آئی)سرمایہ کاری ونجکاری کے وزیر عبدالعلیم خان نے چین کی کمپنیوں کو پاکستان میں سرمایہ کاری کیلئے ہرممکن امداد فراہم کرنے کی یقین دہانی کرائی ہے۔وہ بیجنگ میں عالمی نمائش کی افتتاحی تقریب سے آن لائن خطاب کررہے تھے۔وفاقی وزیر نے کہا کہ چینی کاروباری ادارے پاکستان میں دستیاب مواقعوں جیسے خصوصی اقتصادی زونز، ایکسپورٹ پراسیسنگ زونز اور گوادر فری پورٹ سے مستفید ہو سکتے ہیں۔انہوں نے کہا کہ پاکستان میں زراعت، لائیوسٹاک، فوڈ پراسیسنگ اور کان کنی کے شعبوں میں سرمایہ کاری کے وسیع مواقع موجود ہیں۔پاکستان سے ایک سو پچاس سے زائد کاروباری افراد بیجنگ میلے میں شرکت کررہے ہیں۔