ہم آئین کی بالادستی پریقین رکھتے ہیں، بلاول

اسلام آباد(پی پی آئی)پاکستان پیپلزپارٹی کے چیئرمین بلاول بھٹو زرداری نے کہا ہے کہ ہم آئین کی بالادستی اور لوگوں کو انصاف کی فراہمی پر یقین رکھتے ہیں۔انہوں نے کراچی میں سندھ ہائی کورٹ بار سے خطاب کرتے ہوئے کہا کہ ہماری جماعت نے جمہوریت کے استحکام کے لئے قربانیاں دی ہیں۔انہوں نے کہا کہ شہید محترمہ بے نظیر بھٹو نے ہمیشہ جمہوریت کے لئے آواز اٹھائی اور شہید ذوالفقار علی بھٹو نے ملک کو اسلامی وفاقی جمہوری آئین دیا۔بلاول بھٹو زرداری نے کہا کہ پیپلزپارٹی نے ہمیشہ ملک میں وکلاء کے حقوق کے لئے آواز اٹھائی ہے۔