ہر جلسہ عمران کی ہدایت پر، کامیاب بنانا سب کی ذمہ داری، علی امین گنڈاپور

پشاور(پی پی آئی) وزیراعلیٰ خیبرپختونخواہ علی امین گنڈا پورکا کہنا ہے کہ ہر جلسہ بانی پی ٹی آئی عمران خان کی ہدایت پر منعقد ہو رہا ہے۔ ہر جلسہ، جلوس کو کامیاب بنانا سب کی ذمہ داری ہے، جلسوں میں عدم دلچسپی نقصان دہ ہوسکتی ہے، پی ٹی آئی خیبرپختونخواہ پارلیمانی پارٹی کے اجلاس میں گفتگو کرتے ہوئے وزیراعلیٰ علی امین گنڈاپور نے ٹاسک دیتے ہوئے کہا کہ راولپنڈی کیلئے ہر ضلع سے نمائندہ 35 سے 45 گاڑیاں نکالے گا۔قافلے پشاور سے 10 بجے نکلیں گے۔ تمام قافلے 11 بجے صوابی میں جمع ہونگے جہاں سے وزیراعلیٰ کی قیادت میں راولپنڈی روانہ ہوں گے۔