قلات میں نامعلوم حملہ آوروں کی فائرنگ سے ایک شخص جاں بحق

قلات، 17 جنوری (پی پی آئی) بلوچستان کے شہر قلات کے محلہ خیل کے علاقے میں جمعہ کو نامعلوم حملہ آوروں کی فائرنگ سے ایک شخص جاں بحق ہوگیا۔ حملہ آور ارتکاب جرم کے بعد فرار ہونے میں کامیاب ہو گئے۔ ریسکیو ذرائع کے مطابق قلات شہر کے علاقے محلہ خیل میں نامعلوم حملہ آوروں نے فائرنگ کر کے ایک شخص منیر احمد ولد باران خان سکنہ محلہ خیل کو قتل کر دیا۔ حملہ آور ارتکاب جرم کے بعد فرار ہونے میں کامیاب ہو گئے۔ اطلاع ملتے ہی پولیس جائے وقوعہ پر پہنچ گئی اور لاش کو قلات اسپتال منتقل کردیا۔ تھانہ قلات کے حکام مزید تفتیش کر رہے ہیں۔