چترال، سوات، گلگت بلتستان اور آزاد کشمیر میں بارش اور برفباری کا امکان

اسلام آباد11فروری (پی پی آئی)چترال، دیر، سوات، کوہستان، شانگلہ، بٹگرام، مانسہرہ، گلگت بلتستان اور آزاد کشمیر کے کچھ مقامات پرآئندہ چوبیس گھنٹوں میں بارش اور برفباری کا امکان ظاہر کیا گیا ہے۔محکمہ موسمیات کا کہنا ہے کہ سندھ اور بلوچستان کے بیشتر اضلاع میں موسم سرد اور خشک رہے گا۔ گزشتہ روز لہہ میں کم سے کم درجہ حرارت منفی 6، سکردو، استور، پارا چنار میں منفی 4، ہنزہ، بگروٹ میں منفی 2 اور کالام میں منفی 1 ڈگری سینٹی گریڈ ریکارڈ کیا گیا۔