قلعہ عبداللہ میں سڑک حادثہ اور فائرنگ کے واقعات، 2افراد جاں بحق

کوئٹہ،24فروری (پی پی آئی)ضلع قلعہ عبداللہ میں دو مختلف واقعات میں دو افراد جان سے ہاتھ دھو بیٹھے۔ زرا بند کے قریب ایک سڑک حادثے میں نو ماہ کی بچی جاں بحق اور ایک خاتون سمیت چار افراد زخمی ہوگئے۔لاش کی شناخت ہزار گنجی کی رہائشی نو سالہ مللائی کے نام سے ہوئی۔ زخمیوں میں محمد قاسم ولد حقداد، محب اللہ ولد رحمت اللہ، کریم اللہ ولد نعمت اللہ اور بی بی تانیہ زوجہ محمد قاسم شامل ہیں۔ زخمیوں کو علاج معالجے کے لیے ٹراما سینٹر مائزئی اڈا منتقل کر دیا گیا۔اسی دوران، ڈسٹرکٹ ہیلتھ آفیسر، قلات کے دفتر کے باہر فائرنگ کے واقعے میں ایک شخص جاں بحق ہوگیا۔ لاش کی شناخت عبداللہ نچاری ولد الف خان نکاری کے نام سے ہوئی۔ لاش کو قریبی اسپتال منتقل کیا گیا اور ضروری قانونی ضابطے کی تکمیل کے بعد ورثاء   کے حوالے کر دیا گیا۔عبداللہ نچاری کے اہل خانہ نے بعد ازاں کوئٹہ کراچی شاہراہ بلاک کر دی اور حکام سے ملزمان کی گرفتاری کا مطالبہ کیا۔