آئی سی سی چیمپئنز ٹرافی کے کامیاب انعقاد پر محسن نقوی کا اظہار تشکر

اسلام آباد،11مارچ (پی پی آئی)چیئرمین پاکستان کرکٹ بورڈ (پی سی بی) محسن نقوی نے آئی سی سی چیمپئنز ٹرافی کے کامیاب انعقاد پر تمام متعلقہ افراد اور اداروں کا شکریہ ادا کیا ہے۔ انہوں نے خاص طور پر پاکستان کا سفر کرنے والی غیر ملکی ٹیموں، پی سی بی کی ٹیم، قانون نافذ کرنے والے اداروں، صوبائی حکومتوں، اور آئی سی سی حکام کا شکریہ ادا کیا۔محسن نقوی نے اس عزم کا اظہار کیا کہ ان سب کی محنت اور تعاون نے ٹورنامنٹ کو ایک یادگار اور کامیاب ایونٹ میں تبدیل کیا۔ انہوں نے مزید کہا کہ یہ کامیابی پاکستان کی میزبانی کی صلاحیتوں کا ثبوت ہے اور اس سے ملک کا مثبت تاثر دنیا بھر میں پہنچا ہے۔”